শদিয়াত আদা আৰু হালধি খেতিৰে জিলিকিছে পুনম টায়ে

শদিয়াৰ পুনম টায়ে,আনুষ্ঠানিক শিক্ষা সমাপ্তিৰ পাছত কৃষিকাৰ্যত নিজকে আত্মনিয়োগ কৰা শদিয়াৰ এগৰাকী আগৰণুৱা মহিলা। আদা আৰু হালধি খেতিৰে শদিয়াক কৃষিকাৰ্যত চহকী কৰি তোলাত আগভাগ লৈ আহিছে এইগৰাকী মহিলাই। অসম চৰকাৰে এই বছৰৰ মে’ মাহত অসমৰ বিভিন্ন প্ৰান্তৰ পৰা ভিয়েটনামলৈ কৃষি অধ্যয়ন কৰিবলৈ লৈ যোৱা ১৫ গৰাকী কৃষকৰ মাজৰ এগৰাকী সদস্য আছিল পুনম টায়ে। কৃষিকাৰ্যত পৰিয়ালৰ সহযোগিতা লৈ আগবাঢ়ি স্বাৱলম্বিতাৰ এক চানেকি দাঙি ধৰা পুনম টায়েক সাক্ষাৎ কৰিছিল ‘জনতাৰ চৰকাৰ MyGov Assam’-ৰ এটা দলে। কৃষিকাৰ্যত তেখেতৰ সফল এই যাত্ৰাৰ বিষয়ে আমাক জনাইছিল কিছু কথা।