গুৱাহাটীৰ যান-জঁটৰ সমস্যা সমাধানৰ বাবে পৰামৰ্শৰ আহ্বান

উত্তৰ-পূৱৰ দুৱাৰমুখ স্বৰূপ গুৱাহাটী মহানগৰ। উত্তৰ-পূৱৰ এক প্ৰধান বাণিজ্যিক আৰু শৈক্ষিক কেন্দ্ৰ হোৱাৰ উপৰিও সাংস্কৃতিক,ৰাজনৈতিক আৰু প্ৰশাসনিক কাম-কাজৰো এক অন্যতম কেন্দ্ৰ হৈছে গুৱাহাটী। সাম্প্ৰতিক সময়ত এই ৰাজধানী চহৰখন বিভিন্ন ক্ষেত্ৰত দোপত-দোপে উন্নয়নৰ দিশে ধাৱমান হ’বলৈ লৈছে। কিন্তু এনে উন্নয়ন তথা বিকাশৰ বিপৰীতে বৰ্ধিত জনসংখ্যা আৰু ইয়াৰ লগে লগে অভাৱনীয় হাৰত বৃদ্ধি পাবলৈ লোৱা যান-বাহনৰ সংখ্যা চহৰখনৰ বাবে বৃ্হৎ প্ৰত্যাহ্বান স্বৰূপ হৈ পৰিছে। দৈনিক সৃষ্টি হোৱা যান-জঁটৰ ফলত বিভিন্ন সমস্যাৰ উদ্ভৱ হোৱাৰ লগতে দূৰ্ঘটনাৰ সংখ্যাও বৃদ্ধি পাবলৈ লৈছে।

ভয়াৱহ যান-জঁটৰ সমস্যাটোৰ প্ৰতি লক্ষ্য ৰাখি ইয়াৰ পৰা পৰিত্ৰাণ পোৱাৰ হেতু জনতাৰ চৰকাৰ MyGov Assam য়ে বিচাৰিছে আপোনাৰ বহুমূলীয়া দিহা-পৰামৰ্শ।