You don't have javascript enabled. Please Enabled javascript for better performance.

বন মহোৎসৱ উপলক্ষে ৰচনা প্ৰতিযোগিতা

Start Date: 24-06-2017
End Date: 31-07-2017

সমগ্ৰ দেশৰ লগতে অসম চৰকাৰেও অহা ১ জুলাইৰ পৰা ৭ জুলাইলৈ আয়োজন কৰিছে ...

বিতং তথ্য চাওক বিতং তথ্য গোপন কৰক

সমগ্ৰ দেশৰ লগতে অসম চৰকাৰেও অহা ১ জুলাইৰ পৰা ৭ জুলাইলৈ আয়োজন কৰিছে বন মহোৎসৱ। গছপুলি ৰোপণ, বন সংৰক্ষণ আদিৰ জৰিয়তে পৰিৱেশ সুৰক্ষিত কৰি আমাৰ জৈৱ বৈচিত্ৰতা আৰু মানৱ সমাজক সুৰক্ষা প্ৰদান কৰাৰ মূল উদ্দেশ্য আগত ৰাখি এই সপ্তাহযোৰা কাৰ্যসূচীৰ আয়োজন কৰা হৈছে। অহা ১ জুলাইৰ পৰা ৰাজ্যৰ বিভিন্ন প্ৰান্তত বিভিন্ন সজাগতামূলক অনুষ্ঠান, গছপুলি ৰোপণ আৰু বিতৰণ আদি বিভিন্ন কাৰ্যসূচী গ্ৰহণ কৰা হ’ব। অসমৰ দৰে বানপানী, ভূঁইকপ, ধুমুহা আদি বিভিন্ন প্ৰাকৃতিক দুৰ্যোগে জুৰুলা কৰা এখন দুৰ্যোগপূৰ্ণ ৰাজ্যত ধৰিত্ৰীক সুৰক্ষা প্ৰদান কৰাটো আমাৰ সকলোৰে দায়িত্ব হোৱা উচিত।

পৰিৱেশ সংৰক্ষণৰ ক্ষেত্ৰত ছাত্ৰ-ছাত্ৰীসকলৰ মাজত সজাগতা সৃষ্টিৰ লক্ষ্যৰে অসম চৰকাৰৰ বন বিভাগে আগন্তুক বন মহোৎসৱৰ লগত সংগতি ৰাখি আয়োজন কৰিছে ৰচনা প্ৰতিযোগিতা। ৰচনাৰ বিষয়বস্তু – “মোৰ দৃষ্টিত এখন সেউজ আৰু প্ৰদূষণমুক্ত অসম”

শ্ৰেষ্ঠ হিচাবে নিৰ্বাচিত ৰচনাৰ বাবে পুৰস্কাৰ হিচাবে বিভিন্ন উপহাৰ আগবঢ়োৱা হ’ব।

অন্তিম তাৰিখ – ৩১ জুলাই, ২০১৭

চৰ্তাৱলী
• ৰচনাৰ বাবে শব্দ ১০০০ টাতকৈ অধিক হ’ব নোৱাৰিব
• ইংৰাজী, অসমীয়া, বাংলা, বড়ো আৰু হিন্দী ভাষাত ৰচনা গ্ৰহণ কৰা হ’ব
• 10 MB ত কৈ সৰু আকাৰত PDF file ত ৰচনা প্ৰেৰণ কৰিব লাগিব
• এজন প্ৰতিযোগীয়ে কেৱল এখন ৰচনাহে প্ৰেৰণ কৰিব পাৰিব
• ৰচনা মৌলিক হোৱাটো বাধ্যতামূলক
• আনে লিখা ৰচনা নিজৰ নামত প্ৰেৰণ কৰিব নোৱাৰিব

লিখনিৰ মৌলিকতা নিৰ্বাচন কমিটীয়ে পৰীক্ষা কৰিব। অযোগ্য বিবেচিত লিখনিৰ বাবে MyGov Assam দায়ী নহয়।

সকলো মন্তব্য
মুঠ অৱদান ( 34) অনুমোদিত অৱদানসমূহ (32) পৰ্যালোচনাৰ বাবে ৰখা অৱদানসমূহ (2) জমা বন্ধ
Reset
32 তথ্য পোৱা গ’ল