ড্ৰামিং পদ্ধতি – তাতঁবাটি কৰাৰ এক সহজ উপায়

অসমৰ গৌৰৱময় বয়নশিল্পই বহু পৰিয়ালক আৰ্থিক সকাহ প্ৰদান কৰি আহিছে ৷ কিন্তু বৰ্তমান সময়ত সূতা কটা তথা তাঁতবাটি কৰাৰ পুৰণি পদ্ধতিৰে অধিক উৎপাদনত মনোনিৱেশ কৰাৰ ক্ষেত্ৰত অসমৰ শিপিনীসকল বিভিন্ন সমস্যাৰ সন্মুখীন হ'বলগীয়া হয়৷ সাম্প্ৰতিক সময়ত এই পদ্ধতিৰ আধুনিকীকৰণ সম্ভৱ হৈছে৷ যাৰ জৰিয়তে অতি কম কষ্টেৰে শিপিনীসকল অধিক উপাৰ্জনক্ষম হোৱাৰ থল আছে৷ ড্ৰামিং পদ্ধতিৰ জৰিয়তে তাতঁবাটি কৰি অসমৰ শিপিনীয়ে ব্যৱসায়িক ভিত্তিত কাপোৰ উৎপাদনৰ ক্ষেত্ৰত নিজকে নিয়োজিত কৰাৰ লগতে ইয়াৰ দ্বাৰা উদ্যোগী ৰূপেও নিজকে প্ৰতিষ্ঠিত কৰিব পাৰে ৷