Discussion topic on the occasion of 5th June World Environment Day

বৰ্তমান আমাৰ ৰাজ্যত বিভিন্ন সংগঠনে পথ অবৰোধ কৰি Tyre জ্বলাই পথ ধ্বংস কৰাৰ ওপৰিও বায়ুমণ্ডল প্ৰদূষিত কৰি আহিছে। এই ক্ষেত্ৰত চৰকাৰে শিথিল মনোভাৱ নলৈ দূস্কৃতিকাৰী তথা সংশ্লিষ্ট সংগঠনৰ নেতাৰ ওপৰত বিহিত ব্যৱস্থা গ্ৰহণ কৰি জনসাধাৰণৰ স্বাস্থ্যৰ সুৰক্ষা দিয়াটো প্ৰয়োজন।

পৰিৱেশৰ ওপৰত ভিত্তি কৰি নগৰ আৰু গাওঁ সমূহক Grade দিয়াৰ ব্যৱস্থা কৰিব লাগে । নিম্ন Grade লাভ কৰা নগৰ আৰু গাওঁ সমূহক পৰৱৰ্তী সময়ত উচ্চ Grade লাভ কৰিব পৰাকৈ উপযুক্ত কৰি তুলিব লাগে। পৰিৱেশ উন্নতিৰ ওপৰত ভিত্তি কৰি নগৰ আৰু গাওঁ সমূহৰ নাম সংবাদ মাধ্যম যোগ প্ৰচাৰ কৰি প্ৰথম তিনিটা স্থান প্ৰাপ্ত নগৰ আৰু গাওঁ সমূহক পুৰস্কৃত কৰিব লাগে।

পৰিৱেশ উন্নতিৰ আৰু জনসাধাৰণক সজাগ কৰাৰ বাবে নগৰ আৰু গাওঁ সমূহত নিকা ভাৱমূৰ্তিৰ নিস্বাৰ্থ সমাজকৰ্মীক লৈ একোখন অবৈতনিক সমিতি গঠন কৰাৰ কথাটো প্ৰয়োজন হ'লে বিবেচনা কৰি চাব পৰা যায়। একোখন ঠাইৰ পৰিৱেশ উন্নতিৰ সামগ্ৰিক দায়িত্ব চৰকাৰে এজন দ্বায়িত্বশীল ব্যক্তিৰ (যেনে:স্থানীয় বিধায়ক, উপায়ুক্ত বা মহকুমাধিপতি) ওপৰত ন্যস্ত কৰাৰ কথাটো চৰকাৰে বিবেচনা কৰি চাব পাৰে।

Polythene bag ৰ ব্যৱহাৰ সম্পূৰ্ণ নিষিদ্ধ কৰি তাৰ পৰিবৰ্তে Biodegradable bag ৰ প্ৰচলন কৰিব লাগে। উৎসৱ আদিত খাদ্য পৰিবেশনত Plastic, Thermocol আদিৰ দৰে Non biodegradable স্বাস্থ্যৰ বাবে হানিকাৰক সামগ্ৰীৰ ব্যৱহাৰ সম্পূৰ্ণ নিষিদ্ধ কৰিব লাগে।

বৰ্তমান Air Conditioner ৰ ব্যৱহাৰ বৃদ্ধি পাইছে । Air Conditioner এ বায়ুমণ্ডললৈ অধিক তাপ এৰি দিয়ে। বায়ুমণ্ডললৈ এৰি দিয়া তাপৰ মাত্ৰা কমোৱাৰ বাবে কিবা সজুলি থাকিলে তাৰ ব্যৱহাৰ বাধ্যতামূলক কৰিব লাগে নতুবা তেনে বিশেষ সজুলিৰ উদ্ভাৱনৰ বাবে অসমৰ উদ্ভাৱক দুৰ্লভ ভৰালীদেৱৰ লগত আলোচনা কৰিব লাগে।

Loud Speaker ৰ ব্যৱহাৰৰ ক্ষেত্ৰত উচ্চতম ন্যায়ালয়ৰ নিৰ্দেশ কঠোৰ ভাৱে পালন কৰা উচিত। (অসমতকৈ মহাৰাষ্ট্ৰত সূৰ্য্যাস্ত এঘন্টা পলম হোৱা সত্বেও মহাৰাষ্ট্ৰ চৰকাৰ এই ক্ষেত্ৰত কঠোৰ)

বায়ুমণ্ডলত প্ৰদূষণৰ মাত্ৰা নিয়মিত পৰীক্ষা কৰি প্ৰদূষণৰ উৎস চিনাক্ত কৰি ইয়াৰ মাত্রা হ্ৰাস কৰাৰ বাবে কাৰ্য্যব্যৱস্হা হাতত লব লাগে।

যান-বাহনৰ প্ৰদূষণ নিয়মিত ভাৱে পৰীক্ষা কৰাটো চৰকাৰে বাধ্যতামূলক কৰিছে যদিও কিছুমান বাহনৰ পৰা অস্বাভাৱিক ধোঁৱা ওলোৱা দেখা যায়। এই ক্ষেত্ৰত সংশ্লিষ্ট চৰকাৰী বিষয়াই সতৰ্ক দৃষ্টি ৰাখি কঠোৰ ব্যৱস্থা লোৱাটো প্ৰয়োজনীয়। ইয়াৰ উপৰিও কম বয়সীয়া Bike চালকে বিশেষ ব্যৱস্থা কৰি Bike ৰ Silencer ৰ পৰা বিকট শব্দ উলিয়াই শব্দ প্ৰদূষণ কৰি পৰিৱেশ প্ৰদূষিত কৰে। যান-বাহন আৰক্ষীয়ে এনে দুস্কৃতিকাৰীক কৰায়ত্ত কৰি উপযুক্ত শাস্তি প্ৰদান কৰিব লাগে।

ৰাজ্যত বনাঞ্চল বৃদ্ধি তথা অৰণ্যত শাকাহাৰী পশু-পক্ষীৰ খাদ্য পৰ্যাপ্ত হোৱাৰ উদ্দেশ্যে অসমৰ বিভিন্ন উদ্যোগিক প্ৰতিষ্ঠানক চৰকাৰৰ তত্বাবধানত সংশ্লিষ্ট বিভাগে নিৰ্দিষ্ট কৰি দিয়া অঞ্চলত (নদীৰ চাপৰি, অৰণ্যৰ ভিতৰ ভাগ ইত্যাদি ) বিভিন্ন প্ৰজাতিৰ বৃক্ষ ৰোপন কৰিবলৈ আহ্বান জনালে চৰকাৰৰ অতিৰিক্ত খৰছ নোহোৱাকৈ অসমৰ বনাঞ্চল যথেষ্ট বৃদ্ধি পাব বুলি মনে ধৰে।

মৃতপ্ৰায় জলাশয় সমূহ পৰিষ্কাৰ কৰি আগ্ৰহী ব্যক্তিক মীন পালনৰ বাবে আবন্টন দিব লাগে। সমগ্র ৰাজ্যত প্ৰতি বছৰে যিমান সংখ্যক গছপুলি ৰোৱা হয় তাৰ অধিক সংখ্যকেই প্ৰতিপালনৰ অভাৱত মৰি যায়। গতিকে গছপুলি ৰোৱাৰ লগতে প্ৰতিপালন কৰাটোও সংশ্লিষ্ট অনুষ্ঠান প্ৰতি ষ্ঠানৰ দ্বায়িত্ব হোৱাটো উচিত।