Suggest Ways to Improve the Quality of Education in the State

চৰকাৰী বিদ্যালয়ৰ লগত সমাজখনক কেনেকৈ জড়িত কৰিব পাৰি , সেই বিষয়ে বিভাগে চিন্তা কৰা উচিত । বিদ্যালয় পৰিচালনা সমিতিবোৰেও বিশেষ সক্ৰিয় ভূমিকা লোৱা দেখা নাযায় । সমাজৰ অংশগ্ৰহণ সুনিশ্চিত কৰিবলৈ তেওঁলোকক দায়বদ্ধ কৰিব লাগিব । অঞ্চলৰ শিক্ষিত যুৱসমাজক বিদ্যালয়ত সেৱা আগবঢ়াব পৰাকৈ আগ্ৰহী কৰিব লাগিব । প্ৰয়োজন হ'লে তেওঁলোকক এখন মানপত্ৰ দিয়াৰ ব্যৱস্থা কৰিব পাৰি , যি তেওঁলোকক ভৱিষ্যতে চাকৰি বা নামভৰ্ত্তিত সহায় কৰিব । এটা সময়ত সমাজখনে অভিভাৱকৰ দায়িত্বৰে বিদ্যালয়খন নিজৰ অনুষ্ঠান হিচাপে গঢ় দিছিল আৰু দায়িত্ব লৈছিল ।