স্বাৱলম্বিতাৰ অন্য এক উদাহৰণ যোৰহাটৰ পংকজ ছেত্ৰী

যোৰহাট জিলাৰ এগৰাকী যুৱ কৃষক আৰু গোপালক হ’ল পংকজ ছেত্ৰী। উচ্চ শিক্ষিত এই যুৱকগৰাকী বৰ্তমান ব্যস্ত হৈ আছে কৃষিকৰ্ম আৰু গো-পালনত। ২০১৪ চনৰ পৰা গো-পালন আৰু দুগ্ধ ব্যৱসায়ত জড়িত হৈ থকা পংকজ ছেত্ৰীয়ে বিত্তীয় প্ৰতিষ্ঠানৰ পৰা ঋণ লৈ গো পালনৰ ব্যৱসায় আৰম্ভ কৰে আৰু সফলতা লাভ কৰে। বৰ্তমান দৈনিক ১৬০ ৰ পৰা ১৮০ লিটাৰ গাখীৰ উৎপাদনেৰে ব্যৱসায়িকভাৱে সফলতা লাভ কৰা পংকজ ছেত্ৰীয়ে গোপালনৰ লগতে বিভিন্ন ফুলৰ খেতি আৰু অন্যান্য কৃষি কৰ্মতো ব্যস্ত হৈ আছে আৰু বহুজনক কৰ্মসংস্থাপন আগবঢ়াই আহিছে।